Tūtohinga Ratonga a StudyLink
Ko te whai a tēnei Tūtohinga Ratonga ko te whakatakoto mārama, ngāwari hoki i ngā paearu ratonga ka taea te tūmanako e ngā ākonga i a StudyLink, tā mātou hoki e tūmanako ai i a koe te ākonga. I whai wāhi ngā kaimahi rātou ko ngā māngai ākonga ki te whakawhanaketanga o te Tūtohinga, otiia ka tirotirohia, ka whakahouhia auautia hoki.
On this page:
Te Kaupapa o StudyLink
Ko te kaupapa o StudyLink ko te hono tāngata ki ngā pārongo ka hiahia rātou ki te whakarite i ngā whakatau mātauranga kua āta whakaarohia, ko te whakarato hoki i ngā pārongo taha ohaoha me te tautoko, e whakaahei ana kia taea he wā pai ake mō rātou āpōpō.
E hiahia ana a StudyLink kia taea e ngā ākonga te:
- Whakaoti angitu i ā rātou akoranga
- Tono taurewa anake i tā rātou e tino hiahia ana
- Whiti tōtika ki te hunga kaimahi.
Ka taea a StudyLink ki te mahi tahi ai i te taha o ngā momo wahi, ara ko ngā kaiwhakarato mātauranga, ngā pokapū kāwanatanga me ngā māngai ākonga ranei.
Tāu hei tūmanako motika ai i a mātou
Tā mātou tikanga mahi tahi i a koe
Ka taea e koe te tūmanako:
- kia hūmārika ngā kaimahi, he hunga mōhio, e pīrangi ana ki te āwhina i a koe
- kia manaakitia, kia ohaina koe
- kia whiwhi ki te ratonga wawe, tōtika
- kia whiwhi ki te tohutohu ko wai hei āwhina i a koe ki te kore e taea e mātou
- kia whai wāhi ki te kōrero mai i ō whakaaro mō tā mātou ratonga mā ngā rangahau ākonga me ngā māngai ākonga
- kia whiwhi ki tētahi hātepe tōkeke, mārama, wawe hoki ki te urupare ki te amuamu me ngā arotakenga.
Ngā pārongo ka whakaratoa e mātou
Ka taea e koe te tūmanako:
- kia whiwhi ki ngā pārongo tika, tino hou, tino mārama
- kia whiwhi ki ngā pārongo taurite
- kia whakamōhiotia koe ki ngā āwhina taha pūtea katoa e tau ai pea koe
- kia āta whakamāramatia ki a koe ō motika me ō kawenga
- kia āta whakamāramatia ki a koe ā mātou whakatau.
Ngā pārongo ka homai koe ki a mātou
Ka taea e koe te tūmanako:
- ka whakamāramatia e mātou he aha mātou i tono ai kia homai e koe ētahi pārongo
- ka āta whakaputua ngā pārongo ka homai koe, ka ngāwari hoki ki te tiki ina hiahiatia
- ka pupuritia ō pārongo kia matatapu, kia muna.
Tā mātou tikanga whakawhitiwhiti kōrero
Ka taea e koe te tūmanako:
- kia āhei ki te whakamahi i te whānuitanga o ngā tikanga hei whakawhiti kōrero ki a mātou
- kia whiwhi wawe ki te pārongo mō ngā panoni e pā ana ki koe
- kia āta rangona ai koe kia mārama mātou ki ō kōrero mai.
Ngā mea e hiahia ana mātou i a koe
Hei whakarato i te paerewa ratonga ka hiahiatia, e pīrangi ana mātou ki te:
- kia homai ngā pārongo katoa e hiahiatia ana tae noa ki ngā rā kua tohutohua e riro pai ai i a koe ō āheitanga i te wā tika
- kia tika ngā pārongo ka homai koe
- kia kōrerotia wawetia ki a mātou ngā panoni i ō āhuatanga tērā e pā pea ki ō āheitanga
- kia ū tonu ki ngā whakaaetanga kua rite tahi me mātou
- kia manaaki, kia oha atu hoki ki ā mātou kaimahi
- kia āta pānuitia ngā pārongo e whakarato ana mātou kia mārama koe ki ō motika me ō kawenga
- kia ui mai koe mena kaore koe i te tino mārama ētahi mea.
Urupare me ngā whakaaro puaki
He pai ki a StudyLink ki te mau i ngā urupare mai i ngā tauira, kia whakamana te mauri o ta matou mahi i roto I te wahi nei. Mena he pirangi koe ki te waiho he korero pai, whakaro puaki rānei īmera mai ki raroi te ratonga. Pātaitia he pātai, mā te waea koreutu mai rānei ki 0800 88 99 00.
Amuamu
E ū ana a StudyLink ki te whakarato i ngā ratonga kairangi me te tohutohu pono, taurite hoki mā ngā ākonga. Ki te whakaaro koe kāore anō kia tutuki tēnei paerewa i a mātou e hiahia ana mātou ki te rongo i ō kōrero.
Ki te whai amuamu koe mō tā mātou ratonga, īmēra mai mā te whakamahi i tā mātou ratonga Pātaitia he pātai, mā te waea koreutu mai rānei ki 0800 88 99 00. Ka kaha mātou ki te whakarite wawe i tō amuamu. Ki te tika kia mahi tahi tātou me ētahi atu hei whakarite i tō amuamu, tērā pea ka takaroa ake. I ngā wā katoa ka whakamōhiotia ā-tuhitia koe ina whiwhi mātou ki tō amuamu.
Ki te kore koe e pai ki te whakatau mō ō pūtea ākonga, kōrero tuatahi mai ki a mātou – ka anga mātou ki te whakarite tino wawe i tō take. Engari ki te kore e taea e mātou te whakarite, ka taea e koe te whai i tētahi hātepe whakarite, otirā tērā koe e āhei ki te tono i tētahi Arotakenga o te Whakatau.
